Fáilte go hInis Oírr ar líne - suíomh gréasáin na n-oileánach le eolais a thabhairt do thurasóirí.

COMHAR CAOMHÁN TEO

Bunaíodh Comhar Caomhán Teo i 1970. Tá ról lárnach ag an gComharchumann i bhforbairt an oileáin - idir forbairtí eacnamaíocha, forbairtí sóisialta agus forbairtí cultúrtha. Bunaíodh an Comharchumann ar dtús le bunseirbhísí riachtanach cosúil leis an scéim leictrachais agus an scéim uisce a chur ar fáil.

Ó shin ar leith tá go leor forbairtí curtha chun cinn ag an gComharchumann ar an oileán, ina measc:

  • Bunú aersheirbhís agus tógáil aerstáisiún
  • Bunú Méanscoile
  • Tógáil Ionad Campála
  • Leithris Poiblí ionnúr
  • Liathróid Láimhe faoi dhíon
  • Tithe Ceann Tuí
  • Scéimeanna fostaíochta sóisialta
  • Forbairt Páirc Peile agus Seomraí Feistis
Tá stór trádála ag an gComharchumann agus díoltar earraí talmhaíochta, earraí tógála, breosla, gual rle ann.

Tá an Comharchumann freagrach as bainistiú an aersheirbhís thar ceann Údarás na Gaeltachta. Is acmhainn tábhachtach í oifig an chomharchumainn don phobal.

Is féidir eolas agus comhairle a fháil agus tá seirbhísí fótacóipeála, seirbhís lannaithe agus facs ar fáil chomh maith. Tá scéim bailiúcháin bruascar agus athchúrsáil á rith ag an gcomharchumann, ar son an comhlachta 'Timpeallacht na n-Oileán'. Seirbhísí don Phobal Bíonn an Comharchumann oscailte Dé Luain go dtí Déardaoin, ó 9 r.n. go dtí 5 i.n. agus Dé hAoine ó 9r.n. go dtí 4 i.n.

Tá na seirbhísí seo a leanas ar fáil 'sna hoifigí:Uisce le n-ól ar fáil Málaí athchúrsála ar fáil Seirbhisí facs fótachópáil lannú Saoráidí Leabharlainne agus Seirbhisí Idirlíon, Dé Máirt & Déardaoin 2.30 - 4.30 i.n. Comhar Creidmheasa Déardaoin 3.30-4.30 i.n.


Cumas: Eolas i dtaobh cearta Leasa Shóisialaigh nó íocaíochtaí éagsúla nó deontais, 11 r.n. - 3.30 i.n., triú Máirt chuile mhí